Hamargarren txanda honetan parte hartu duten ikastetxeak honako hauek izan dira: Tuterako Benjamín de Tudela, Lizarrako Oncineda, Iruñeako Sagrado Corazón, Urroz-Villa, Leitzako Erleta, Urdazubi-Zugarramurdi, Irurita, Arraioz, Gartzain, Amaiur, Erratzu, Arizkun, Ziga, Oronoz eta Almandoz. Nafarroako zonalde desberdinetako ikastetxeak eta adin desberdinetako partehartzaileak, aniztasuna nagusi izan dugu eta elkarbizitza oso ona izan dela azpimarratu nahiko genuke.
Egunero eskiatu ahal izan dugu El Ferial-eko pistetan, egun batzuetan eguraldi kaskarra izan dugun arren, eski jarduera mantendu ahal izan dugu. Arratsaldeko jarduerak ere normaltasunez burutu ditugu. Osteguneko xeian, asteko argazkiak ikusi ondoren, Iruritako eskolarekin etorri den Eneko Fernandez bertsolari lesakarrak bertso eder hau abestu zigun, ... eskerrik anitx!!
NEGUA HELTZERAKOAN
JOANDAKOAN ORBELA,
PIRINIOA BILAKATZEN
DUGU GURE IKASGELA.
ELURRAREN HOTZAK DAKAR
MONITOREEN EPELA
NESKA TA MUTILAK POZTUZ,
ERLETAKOAK BEZALA
SAGRADO CORAZON, URROZ
TA BENJAMIN DE TUDELA
ZUGARRAMURDI-URDAZUBI
BAZTANGO ESKOLAK BERTZELA,
ERRONKARIK TA BELAGUAK
BERRIZ BATU GAITZATELA (bis).
Aste honetako ikastetxeetako partehartzaileei, GIZARTERATZEA balorearen inguruko marrazki bat eskatu diegu. Partehartzea guztiz askea izan da eta ostegunean hainbat marrazki jaso ditugu. Hauekin hormirudi polit bat egin dugu, eta marrazki horietako bat bereziki hautatu dugu, bizitzarekin eta kirolarekin lotuta dauden hainbat balore jasotzen dituen hormirudi bat osatzeko.