Iruñeako Mendillorri, Tuterako La Anunciata, Barañain-go Santa Luisa de Marillac, Antsoaingo Ezkaba de Ansoain, Mendavia-ko Joaquín Romera eta Sarrigurengo Las Hayas izan ditugu gurekin Kanpainako azken txanda honetan, eta egun oskarbi gutxi izan dugun arren, egunero eskiatu ahal izan dute El Ferial-eko pistetan elur kalitate zoragarri batekin.
Astea normaltasunez igaro da, eta orokorrean partehartzaile guztiek esperientziaz gozatu dute. Etxera hagitz nekatuta iritsiko dira, baina ziur esperientzia eta oroitzapen on pila eramanen dituztela gogoan, eta hauek haien oroitzapenetan luze irautea espero dugu.
Atzo, osteguna, Nafarroako Kirol eta Gazteria Saileko Zuzendari den Rubén Goñi, eta Zuzendariorde den Primi Sanchez gurera hurbildu ziren XXXV. Kanpaina agurtzera , eta astero gure pista inguruko naturgunea gozatzeko helburuz irakasleekin egiten dugun zata-ibilaldira animatu ziren. Amaieran, Ipar Eskiko Eskola Kanpainak Pirinioaren ekonomi-garapenean duen garrantzia azpimarratu zuten, baita, natur ingurunean egiten den kirolaren eta, elkarbizitza eta laguntasunarekin lotuta dauden baloreen sustapenean.