La Contienda-ko elurra ahal den modu onenean probestu dugu. Astearte, asteazken eta ostegunean zehar, txanda honetako hamalau taldeek eskien gaineko bi egun eta erraketa ibilbideko egun bat txandakatu dituzte. Bihar, ostirala, Sarriguren-go Joakin Lizarragako partehartzaileek orientazio-jolas bat eginen dute Irati-Abodi-n eta, Iruñeako San Ignacio ikastetxeko partehartzaileek orientazio eta pista jolas batean parte hartuko dute Bagomaltako basoan.
Udaberri-giroa izan dugun arren, ezin gara kexatu, goizetan ia ez baitugu euririk izan. Arratsaldeetarako prestatutako jarduerak normaltasunez egiten ari dira eta, ikasle batzuk txanda luzatzeko aukera ote dagoen galdetu digute, aisialdi, kirol eta hezkuntza egun hauek gozatzen ari direnaren seilnale.