XXXVII Ipar Eskiko Eskola Kanpaina

Ipar Eskiko Eskola Kanpaina Erronkari eta Zaraitzuko Ibarretan eginen da.

Partehartzaileak eta iraupena

Lehen Hezkuntzako 6. maila
Bigarren Hezkuntzako 1. eta 2. mailak
Minusbaliotasun fisiko, psikiko eta sentsorialak dituzten pertsonak

Iraupena: 4 egun
(Astelehen gauetik ostiral arratsalde arte).

Izaban zein Otsagabian txanda bakoitzeko partehartzaileak murriztuko dira. Izaban 340 partehartzaileetatik 120 partehartzaileetara murriztuko da, eta Otsagabian 110 partehartzaileetatik 60 partehartzaileetara.

Eski-taldeak aldez aurretik sortuak egonen dira.

Txanda bakoitzeko partehartzaileen artean TALDE desberdinak izendatuko dira, ikastetxe eta ikastetxe bereko talde desberdinak errespetatuz. Talde horiek izanen dira, ipar-eskiko taldeak sortzeko (eski-begirale bakoitzeko gehienez hamabost ikasle), ostatuetan banaketa egiteko, autobusetan garraioa antolatzeko, arratsaldeko jardueretan parte hartzeko, asteleheneko eski-material bilketa egiteko, aisialdiko espazioak adosteko, ... oinarria.

MASKARAREN ERABILERA: pertsonen arteko 1,5 metrotako distantzia mantendu arren, maskararen erabilera derrigorrezkoa izanen da partehartzaile guztientzat. Partehartzaileek maskararen bat behar izanez gero, Kanpainak maskara kirurgikoak izanen ditu eskuragarri.

Oharra: Ikastetxe bakoitzak asteko 100 leku izanen du gehienez.
Antolatzaileek jarrera desegokia duten parte-hartzaileak kanporatu ahalko dituzte, Ipar Eskiko Eskola Kanpainako Bizikidetza Araudian jasotzen den legez.

Joan-Etorriak

Parte-hartzaileak Izaba eta Otsagabiara eramatearen ardura parte hartzen duen Ikastetxearena da. Beraz, Ikastetxe bakoitzak kontratatu beharko du bertara hurbiltzeko  eta ostiralean etxera itzultzeko autobus zerbitzua.

Parte-hartzaileak Izabara edo Otsagabiara astelehen arratsaldean, antolakuntzak zehaztutako orduan (17,30ak aldera), iritsi beharko dira. Ostatua Erronkaribarko beste herriren batean izanez gero, lehenik eta behin eski-materiala Izaban hartuko dute eta ondoren, haien autobusak dagokien herrira eramanen ditu. Zaraitzu Ibarrean eski materialaren banaketa astearte goizean eginen da, beraz, zuzenean bakoitzaren ostatua dagoen herrira joanen dira.

Etxerako itzulera, ostiraleko bazkari ostean izanen da.

Egunero herritik eskiatzeko pistetara joatearen ardura antolatzaileena da.

  • Izaban 60 eserlekutako bi autobus eta Otsagabian 60 eserlekutako autobus bat izango dira. Autobusetara igoera eta autobusetatik jetsiera ongi antolatu ahal izateko, partehartzaileak modu antolatuan hurbilduko dira geltokira eta, gaur egun eskola-garraioan betetzen ari diren protokolo guztiak beteko dira (beti eserleku berean esertzea, igoera eta jetsiera ordenatua, eskuen garbiketa hidrogela erabiliz, maskararen derrigorrezko erabilera, ...).

Osasun laguntza

Osasun laguntza parte-hartzaile bakoitzaren aseguruari edo eskola-aseguruari dagokiona izango da, beraz, bakoitzak bere osasun kartilaren kopia ekarri behar du.

Halaber, NICDO, S.L.-k  istripu asegururako eta erantzukizun zibilerako poliza bat du, hala nola lesionatuak eramateko sistema koordinatua.

  • Erronkari zein Zaraitzu Ibarretako Oinarrizko Osasun Zonaldeen Lehen Mailako Arreta Taldeekin elkar lan hestuan arituko gara, Nafarroako Osasun Publiko eta Lan Osasunaren Institutuaren gainbegirapean, bai protokoloen plangintza eta gainbegiratzean, bai COVID kasu baten aurrean jarraitu beharreko prozeduran. Talde desberdinen, eski-taldeen, ikasle zein irakasleen ostatuetako zein autobusetako banaketaren, ... kontrol zorrotza eramango da, COVID kasu posible baten aurrean kudeaketa arina izan dadin.

           COVID-19 KASUEN KUDEAKETA PROTOKOLOA

  • Partehartze baldintzen, informazioa eman beharraren eta informazioa jaso izanaren ondorengo baimenaren onarpen dokumentua idatziko da familiek sina ditzaten.

     

Kuotak

SARTZAN DIREN KONTZEPTUAK
  • Ostatua eta mantenua
  • Ipar eski eskolak
  • Eski materialaren alokairua
  • Pistetara sarrera
  • Arratsaldeko jarduerak
  • Pistetara eta arratsaldeko jardueretara garraiatzea
  • Antolamendua
  • Anbulantzia
140 €
Norbanakoaren kuota
  • Irakasleek ez dute kuotarik ordaindu behar.
  • Partehartzaile-kuotan ondoko beherapenak ezarriko dira, kasu bakoitzean beherapen bakarra ezarriz (abantailatsuena):
    • FAMILIA UGARIAK (ikastetxeetatik ikaslegoari familia ugariko txartelen kopia eskatu beharko zaie maila orokorrekoak edo maila berezikoak diren egiaztatzeko).
      • %10 maila orokorreko familia ugarien kasuan
      • %20 maila bereziko familia ugarien kasuan
    • KANPAINAKO EDIZIO BEREAN FAMILIA UNITATE BEREKO BI EDO KIDE GEHIAGOREN PARTE HARTZEA. %10 -eko beherapena ezarriko zaie.
    • KALTETUTAKO EGOERA GIZAEKONOMIKOAN DAGOEN IKASLEGOARI ZUZENDUTAKO DIRUZ LAGUNDUTAKO PLAZAK: %80 -ko beherapena ezarriko zaie (*).

BEHERAPENIK GABEKO KUOTA

FAMILIA UNITATE BEREKO KIDEAK

MAILA OROKORREKO FAMILIA UGARIAK MAILA BEREZIKO FAMILIA UGARIAK KALTETUTAKO EGOERA GIZAEKONOMIKOAN DAGOEN IKASLEGOA
  %10eko beherapena %10eko beherapena %20ko beherapena %80ko beherapena
140 €  126 €  126 €  112 €  28 € 

(*) Kaltetutako egoera gizaekonomikoan dagoen ikaslegoarentzat diruz lagundutako 200 plaza eskeiniko dira. Horretarako, kaltetutako egoera gizaekonomikoan dagoen ikaslegoa eskolatua duten ikastetxeek, ESKAERA-AGIRIA mail bidez bidali beharko dute info@esquiescolar.com helbidera abenduaren 2a baino lehen, ondokoa kontuan hartuz:

  • Eskaera-agiria Ikastetxeko Zuzendariak sinatu beharko du. Berak, Zuzendaritza-taldearen laguntzaz, bai, Oinarrizko Gizarte Zerbitzuetatik bildutako, bai ikastetxeak jasotako eta, kasu honetan, EDUKA kudeaketa-sisteman, "kaltetutako egoera giza-ekonomikoa duen eta/edo giza-laguntzen menpekoa den familia bateko partaide" atalean isladatuta, Ipar Eskiko Eskola Kanpainan parte hartu nahi duen eta kaltetutako egoera giza-ekonomikoan dagoen ikaslegoarekin zerrenda bat osatuko du (jasotako datuetan izaera pertsonaleko datuak babesteari buruzko araudia jarraituko da). Ipar Eskiko Eskola Kanpainan parte hartu nahi duen kaltetutako egoera giza-ekonomikoan dagoen ikaslegoaren zehaztea Ikastetxeko Zuzendaritzaren ardura izanen da.
  • Ikasle bakoitzari zenbaki bat egokituko zaio eta ikastetxeari posta elektroniko bat zuzenduko zaio zenbaki hauek jakinarazteko.
  • Abenduaren 4-ean 200 plaza horiek esleitzeko zozketa eginen da, ikasle horiek 2020 urteko XXXXVII Ipar Eskiko Eskola Kanpainan %80ko dirulaguntza jasoz parte hartu ahal izateko. Hein berean, itxaron-zerrenda osatzeko, 60 zenbakiren zerranda zozketatuko da, plaza horietako baten esleipenduna izan den ikasleren batek baja ematen duen kasuetarako.
  • Ikastetxe bakoitzari zozketaren akta posta elektronikoz bidaliko zaio.

Antolatzaileak

Laguntzaileak