XXXVII Ipar Eskiko Eskola Kanpaina

Ipar-Eskia, ekintza nagusia, goizez eginen dute eta arratsaldez giza-harremanak sustatzeko jarduera hezitzaile desberdinak.

Goizez: Ipar Eskia

Aste honetako helburu nagusia, bai ikaslegoa, bai irakaslego laguntzailea, ipar eskiaren ikasketan hastea eta trebatzea da.

Ipar eskia mendian eta neguan egin daitekeen kirolik osasuntsuena eta osoena da, eta Erronkari zein Zaraitzuko Ibarrek kirol hau praktikatzeko natur ingurune ikusgarria eskaintzen dute.

Malda gutxikoak edo lauak diren lurretan praktikatzen da eta ingurunea begirune handiz zaintzen duen neguko kirol-mota da.

  • Ibar bakoitzean eski-txanda bakarra izanen da.

  • Goizez, pistetan eski-begiraleek partehartzaileak jasoko dituzte, eta behin autobusetik jeitsi ondoren, eski-begirale bakoitzak bere taldearen ardura hartuko du, Izabara edo Otsagabiara itzultzeko autobusa hartu arte, haien arduradun zuzenak izanik.

  • Eskiak eta makilak banatu ondoren ipar-eski zentrora sartuko dira modu ordenatuan eta sarrera desberdinak erabiliz, bertan motxilak uzteko.

  • Eski eskolek lau ordutako iraupena izanen dute eta talde bakoitzak, eguraldiak posible egiten badu, hamaiketakoa kalean hartuko du. Eguraldi txarra egingo balu, hamaiketakoa ipar-eski zentroan eginen dute, txandaka, taldeak nahas ez daitezen.

  • Ipar-eski zentroetako (El Ferial eta Abodi) espazioak ongi antolatuko dira, eguraldi txarra dagoen egunetan, talde desberdinak bertan egon ahal izateko, haien arteko segurtasun distantziak errespetatuaz.

  • Eski-eskolak ematen diren bitartean maskararen erabilera eta segurtasun distantziaren mantenua, une bakoitzean Nafarroako Kirol Institutuak  agindutakoak izanen dira.

Hona hemen eski eskolen ordutegia:

IZABA TXANDA  
Izabatik abiatzea 9:00  
Eskolen hasiera 10:00  
Eskolen bukaera 14:00  
Izabara heltzea (g. g. b) 14:30  
OTSAGABIA TXANDA  
Otsagabiatik abiatzea 9:00  
Eskolen hasiera 10:00  
Eskolen bukaera 14:00  
Otsagabiara heltzea (g. g. b.) 14:30  

Orain arte eski jarduera honen garapena Erronkari Ibaxako Eski Eskolaren esku egon da. Kirol elkarte hau eski begiraleez osatua dago, gehienak Erronkari zein Zaraitzu Ibarretan bizi diren gazteak eta kirol jarduera honen irakaskuntzan ordu askotako esperientziadunak.

Arratsaldez: Giza-harremanak sustatzeko jarduera hezitzaileak

Eski jardueraren osagarri gisa, astearte, asteazken eta ostegun arratsaldeetan jarduera desberdinak proposatzen dira. Gutxi-gora-behera arratsaldeko 17:30 eta 20:30ak bitarte burutuko dira.

IZABA – ERRONKARI IBARRA:

  • Erronkariko Natur Interpretazio Zentrora bixita
  • Erronkariko Julián Gayarre Museora bixita
  • Zinea-Antzerkia
  • Koreografia
  • Gaueko zeruaren ezagutza
  • Martxa nordikoa

OTSAGABIA – ZARAITZU IBARRA:

  • Otsagabiako Natur Interpretazio Zentrora bixita
  • Zinea-Antzerkia
  • Koreografia
  • Esku-lan tailerra
  • Gaueko zeruaren ezagutza
  • Martxa nordikoa
  • Arratsaldez kirol, hezkuntza eta jolas jarduera gehiago eskeiniko dira, txanda bakoitzeko talde kopuruetara moldatu ahal izateko.

  • Begirale gehiago arituko dira lanean, eta jarduera bakar batean aritu beharrean, txanda desberdinetan, jarduera desberdinak eramateko prestakuntza izanen dute.

  • Kalean egin ahal diren jarduerek lehentasuna izanen dute, eta espazio itxietan burutzen diren jarduerak, eraikin horiek dituzten kopuru eta baldintzetara egokituko dira (Zinema, Erronkari zein Otsagabiako Natur Interpretazio Zentroak, Erronkariko Julian Gayarre Museoa, polikiroldegi eta frontoiak, ...).

  • Arriskua izan dezaketen jarduerak ezabatuko dira, osteguneko Xeia, Izabako igerilekuko jarduera eta herri kirolak jarduera, kasu.

  • Jarduera guztietan materiala elkarbanatu behar izatea sahiestuko da, eta bat edo beste erabiliz gero, behar bezala garbituko da.

  • Aisialdia murriztuko da eta iraupen eta aniztasun gehiagoko jarduerak eskainiko dira. Izaba eta Otsagabia herriak eremutan banatuko dira talde bakoitza, modu antolatuan, aisialdi eremu desberdinetatik mugitzen joateko. Taldeak beti begirale zein irakasleen gainbegirapean egonen dira, segurtasun neurriak betetzen direla bermatu ahal izateko.


Ikastetxeek jarduera hauek idatziz onartuko dituzte, proposamen gisa beste programa osagarriren bat, ahal den neurrian burutuko dena, aurkeztu badezakete ere. Dena den, arratsaldeko jarduerak ongi atera daitezen, begiraleak eta irakasleak dira aldi berean jardueraren arduradunak.

Antolakuntzak aurretik zerrendatutako hezkuntza-jarduerak aldatu ahalko ditu etengabeko egokitzapen eta hobekuntza planarekin bat.

Ordezko jardueren programa

Elur gutxi egoteagatik edo eski-pistetara iritsi ezinagatik eski-ekintza burutzea posible ez balitz, eskaintzen diren ordezko jardueren programak honakoak barneratzen ditu:

IZABA-ERRONKARIBARRA

  • Orientazio jokoak Bagomaltan
  • Bideo emanaldiak eta naturan burutzen diren kirolen edo eskiaren inguruko hitzaldiak
  • Izabako Oroimenaren Etxera bisita
  • Erronkaribarko txoko desberdinetatik ibilaldi-jarduerak
  • Patinajea
  • Burgiko Almadiazainen Museora eta Ogibideen Ibilbidera bisita
  • Erronkariko gazta nola egiten den ikasteko jarduera
  • Gizarteratzea eta berdintasuna sustatzeko jarduerak
  • Gymkhana
  • Iratiko Basora Irteera gidatua eta martxa nordikoa

OTSAGABIA - ZARAITZU-IBARRA

  • Eskiaren inguruko bideo-emanaldiak eta hitzaldiak
  • "Orhipean" ikusentzunezkoa eta jolasak
  • "Aiert" ikusentzunezkoa eta jolasak
  • Otsagabiako Naturaren Interpretazio Zentroa ikusi eta lan praktiko batzuk burutu, eguraldiak baimentzen badu naturan barna ibilaldi gidatuak eginez edo gelako lanak burutuz.
  • Patinajea
  • Gimkhana
  • Zaraitzuibarreko txoko desberdinetatik ibilaldi-jarduerak
  • Irati-Abodi orientazio-froga
  • Iratiko Basora irteera gidatua eta martxa nordikoa
  • Eskiaren ordezko jarduerak antolatzerakoan, arratsaldeko jardueren antolaketan jarraitutako oinarri berak jarraituko dira. Jarduera hauen gakoa Zaraitzu zein Erronkari ibarrek eskeintzen dituzten espazio ugarietan datza, bai eguraldi txarra, bai eguraldi ona dagoen egunetan.

Bi ibarretako ordezko jardueren progamak esteka hauetan ikus ditzakezu:

 

Parte hartzen duten Ikastetxeek antolatzaileek diseinatutako “ordezko jardueren programa”, onartuko dute.

Antolatzaileak

Laguntzaileak