XXXVII Ipar Eskiko Eskola Kanpaina

Atal honetan antolatzaileek partehartzaileen esku jartzen duten materiala, partehartzaileek egun hauetarako eraman beharrekoa eta eraman ezin dena aurkituko duzu.

Eskura dagoen materiala:

Eski ekipo osoa: makilak, eskiak, botak eta finkagailuak.

Eski-materialaren jasotzea eski-taldeka eginen da eta, partehartzaile bakoitzak egun guztietan zehar bere materiala soilik erabiliko du.

Bai eski-material guztia, bai maileguan utzitako materiala (beroki, eski-prakak, eskularruak, betaurrekoak, ...) kasu bakoitzean agindutako protokoloak jarraituz garbituko da.

Partehartzaileek eraman beharreko materiala:

Gainerako ekipoa partehartzaile bakoitzak eraman beharko du eta, garrantzitsua da ongi markatua egotea (IZENA eta IKASTETXEA).

  • KIROLERAKO ARROPA EGOKIA (kamiseta eta elastiko termikoa beroa mantendu eta izerdia iragazteko, forru polarra edo jertsea gorputzeko tenperatura mantentzeko, kapusaia eta eski-prakak beroa eta iragazkaiztasuna gehitzeko, galtzerdi termikoak, lepokoa, txano eta elurretako bi eskularru pare hotzaren aurka babesteko.
  • Aldagarriak, kaleko arropa, esku-zapiak, berokia eta kirol eta mendiko oinetakoak
  • MOTXILA, EGUZKITARAKO +50 BABES-KREMA, HIRUGARREN MAILAKO EGUZKI-BABESEKO BETAURREKOAK (Bisuts betaurrekoak aukeran), EZPAINETARAKO BABES-KREMA eta KANTINPLORA
  • Bost egunetarako beharrezkoak diren MASKARAK, KIRUGIKOAK, FFP1 edo FFP2 motatakoak. Maskara kirurgikoen erabilerak ez ditu lau orduak gainditu behar, eta FFP1 edo FFP2 maskaren erabilerak ez ditu zortzi orduak gainditu behar.

Kanpaina ongi aterako bada, IKASLEEK EZ DUTE SAKELEKO TELEFONORIK, MP3, MP4, ORDENAGAILU-ERAMANGARRIRIK, ARGAZKI MAKINA DIGITALIK... ERAMATERIK IZANEN.

Partehartzaileen artean diferentziarik ez sortzeko, ikasle bakoitzak gehienez 5 € ekartzea gomendatzen da.

Antolatzaileak

Laguntzaileak